OYOT SUKET…
Posted by sukasnoJan 7
Gegayutan miturut wong tani, sing wis seprana seprene ndudah saka gugon tuhone marang sakawit para leluhure, wong nenandur iku kudu nganggo pitungan, kayadene Kliyek, Menthek, Joto Kemil, sing paling apih tiba , kliyek utawa menthek.
Wis ora dadi rahasia maneh, tumrape kota gaplek sisih kulan kidul Wonogiri, khusus Kecamatan Manyaran petani tadah hujan kaya dene pasrah sumarah manawa gagal panen . Wayah lelabuhan nandur sepisanan tanduran palawijo jagung kemrikit, dele kembang pelik kacang sundlep wus meh rong minggu ora ana banyu niba alias udan.
Kaya dene dusun Mantren Bapak Saliman, sing ndak temoni rikala tanggal 25 Desember 2009 deweke nangis nggluguk, amarga tanduran pada alum , winih pari uga tuku wis kebajut diurit nganti lewat umur nandur. Amarga sawahe garing. Apa maneh Pak Mulyono lan Wiyarso akeh pangurbanane nganti direwangi cucul tenaga lan duit atusan ewu kanggo nyedot banyu ing kali, sabisa-bisa ing tembe tanduran urip lan kanti kasil matumpuk-tumpuk.
Wektu iki malah reregan beras nekak gulu Rp 6500, ya gur wala-wala kuwata, kamangka arep buruh ora ana sing mburuhake, kabeh pada urip rekasa ya kuwi sing diadepi saben padinan, gek kamangka perlu mangan lan biaya sekolah putrane. Muga-muga sing dadi pangemban, pangembanting praja ing pamarintahan bisa ngertia marang nasipe wong cilik sing ongklak-angklik , isane mung lungguh dhingklik, lan bisa nglirik lam madhik.
Alhamdulillah wiwit dina Sabtu Pon 26 Desember 2009 wis wiwit ana udan, tanduran katon ijo royo-royo, ning arep wayahe subur kudu dirabuk kamangka reregan rabuk ya sak hohah, bareng kalamangsa panen reregan mudun prasasat ora payu didol. gek kapan thenguk-thenguk nemu gethuk.
Malah ana pawongan ya mung pasrah, sing penting pasar isih ana wong adol, embuh eguh pakewuhe sing penting isih ana sing kanggo ganjel weteng. Muga-muga oyot suket bisa dadi rewang lan para pangarsaning pamarintah babagan pertanian bisa aweh panjurung pitulungan marang para tani, eling marang wong cilik. SKM 2010.
Tulisan-tulisan berikut berkaitan dengan peningkatan kesejahetraan dan kemajuan manyaran. Untuk itu diharapkan dapat menjadi inspirasi ataupun bahan diskusi untuk memberikan sumbang sih pada Manyaran tercinta. Baik untuk dibaca, dipahami dan diresponse. Terus Maju Manyaran-ku. .....
@ Fotrex, Wiwed, Wakidi, Bambang, Danyang Manyaran….. semuanya
Saya melihat persis, sekarang orang desa mendapatkan bantuan kompor gas,
Tapi…………. Bapak, Simbok, Biyung…..wis padha tua pada bingung, malah ada yang dijual untuk beli glepung. beras mahal, gas mahal, adanya musim enthung……… makanya simbok sama biyung kaya enthung
Iya Kang, bener kandhamu. Kanggone awake dhewe sing mung wong cilik ongklak-angklik lungguhe dingklik lan camilane mung kripik iki sedina oleh beras sak bathok wae wis bisa keplok-keplok. Apamaneh yen wayah esuk bisa lungguh thenguk-thenguk karo manthuk-manthuk mangan gethuk neng warunge Minthuk. Iki mangsane nenandur Kang. Wit tela sing dak encepne rong wulan kepungkur ya wis wayahe ndangir. Aku seneng tanduran pariku sing lagi wae dak watun saiki katon nyengsemake. Ya muga-muga ora ana ama sing teka. Uwi, gembili lan gadhung neng mburi omah ya wis padha nlolor turut pager. Semono uga garut , ganyong lan suwek neng tegalan uga wis katon ketel sing sedhela maneh wis kena kanggo ngganjel weteng rikala udan riwis-riwis ora wis-wis. Panjalukku muga-muga suk yen panen rega pari ora anjlok. Sak orane bisaa ngimbangi rega rabuk, upah nraktor, tandur, matun lan sapanunggalane.
Leres, sedoyo wargo ing pedusunan sak meniko angsal bantuan kompor gas,
namung kemawon simbok kulo utawi tiyang sepuh ing padesan sami ajrih urepke Kompor (nggesangaken), ajrih meledak (jedot), malah sak meniko namung dianggur aken wonten ngisor mejo….milo meniko perlu pelatihan ngurepne kompor kangge tiyang2 ingkang dereng ngertos.
We kok putro-putrine do ra marahi carane nganggo to, yen sayang wong tuwo yo kudune mulih disik, men ngerti carane nganggo, wong putrane ono perantauan sok meeting seminar lha bok wong tuwane di ajari carane meeting, men rodo kajen sitik, men ngrasakne carane seminar kui, ojo angger tilik neng Njakarta jare anake lagi seminar wah gaya, wong tuwane teko meeting gaya, lha sak iki wancine awake dewe marahi, iki kang di arani KEBO NUSU GUDEL, wong jowo kan ngreti sak durunge winarah, ojo ojo mengko kompore malah di jolne dalamoh entuk krupuk asin warna-warni Yo di lanjut
Iya. aku setuju Kang Fotrex. Yen mbok-mbok durung bisa carane nguripne utawa nganggo kompor gas, sing wong enom utawa wong sing wis bisa ya kudu nularne ilmune marang mbok-mbok kasebut. Ngelmu iku yen ditularne marang wong liya malah tambah mbrakah. Kabeh iki ing pangajab supaya mbok-mbok iku ora gaptek, gagap teknologi. Wong tuwa ndesa iku isine mung wedi, gek-gek ngko kompore mbledhos ?
Mohon Judul disesuaikan dengan isi.
Terima kasih